بسم الله الرحمن الرحيم
السلام عليكم ورحمة الله وبركاته
انا عندى موضوع عاوز اناقشة معاكم هو موضوع يحرق الدم بجد ده من وجهه نظرى
المدام عايزه تشتغل
مش عارف ليه كل البنات او حتى لما تترقى وتوصل للقب مدام
عندهم جمله واحده تقولك ايه بقى انا عايزه احقق ذاتى
طيب ازاى ياستى تحققى ذاتك بقى ؟؟؟ تقولك عايزه اشتغل وانجح ويبقى ليه كيانى
طيب وانتى مش هيبقى ليكى كيان غير بالشغل ياعنى ؟؟ تقولك اه بصراحه الراجل مش مضمون دلوقتى
وكلهم يبقو هيموت على الجواز وبعد الجواز تلقيها تقول انا اصلا مكنتش عايزه اتجوز دلوقتى
انا كنت عايزه اشتغل واكون مستقبلى واحمى نفسى من غدر الرجاله والزمان الغدار
طيب سوال مهم هل الزوجه الى بتشتغل ام ناجحه فى بيتها وفى تربية اولادها وواجباتها تجاه زوجها ؟؟؟؟
راى الشخصى الى ممكن ناس كتير تختلف معايا فيه اكييييييد لالالالا
لو رجعنا لحسابات العقل والمنطق احنا عندنا اليوم 24 ساعه صح كده
المفروض المدام لما تشتغل وليكن وظيفه حكوميه ياعنى 8 ساعات يوميا
وساعتين فى المواصلات و8 ساعات نوم اصبح المجموع 18 ساعه
هيتبقى 6 ساعات دى بقى هتكفى متابعة اولادها ولا واجبات بيتها ولا متابعة اسرتها واولادها من مذاكره وملبس وماكل وغيره
وبعدين هما يشتغلو والشباب تقعد على القهوه
انا شوفت بنات كتيرة بيشتغلو بعد التخرج على طول وشباب كتير برده متخرجين بقالهم كذا سنة ودورو ولفوو كتي ومش لاقين شغل مش ده حرام يا جماعة
اطلع كده شوف فى المصالح الحكومية كام ينت بتشتغل لو مش مصدقنى
اطلع كده شوف على محطة الاتوبيس كام بنت رايحه شغلها وكام واحد راجل واقف تلاقى 5 رجاله و30 بنت
انا نفسى افهم واعرف حاجة لما البنات يشتغلوا والرجالة تقعد مش لاقية شغل يبقى تفتكرو هيكون فيه جواز
هو مين الى هيكون نفسه علشان يتجوز البنت ولا الراجل
الصراحة انا ببقى سعيد جدا لما بشوف بنت تكبر وتكبر فى العمر ومتتجوزش وتكون شغالة اصل انتى مش هتخدى كل حاجة
ده راى شخصى
انا عاوز اعرف ارئكم ايه فى الموضوع ده
وتفضلو بقبول فائق الاحترام والتحية
موضوع: المدام عايزه تشتغل 
04.04.11 21:34
